藝人林盛斌（Bob）要養活一家八口，老婆、三女一子加兩個外傭姐姐，放在一啲都唔簡單。早前佢仲要為搬屋而煩惱，真係有苦自己知！
佢今日喺社交網上載咗一張捐精合格書，仲話為咗搵多少少錢幫補一下家計，所以走咗去捐精。
相中見資料顯示39歲嘅Bob琴日去咗捐精，有補貼五千蚊之餘，仲有一千蚊慰問金添！
而Bob嘅精子品質更達A+級別，果然係有良好基因嘅多仔公！此外，資料仲顯示佢個捐精次數達10次，真係少啲精力都唔得！
Bob有感而發留言：「呢期搬屋駛（使）咗好多錢，出面個市又好靜，真係冇晒辦法，諗咗好耐，尋日終於去咗，都好，執返（番）少少，夠交呢兩個月d（啲）水電媒。」
對於捐精一事，Bob接受傳媒訪問時表示只係開玩笑：「喺朋友啲社交平台見到，問佢係咩嚟，原來係圖片製作器，覺得幾搞笑，連朋友都走嚟問我係咪真係去捐精！」
幅圖像真度好高，連高海寧同蔡卓妍（阿Sa）都畀Bob呃咗，走去留言問佢係咪真！
(綜合報道 / ig)
