藝人姚嘉妮（嘉嘉）與老公林祖輝育有一子一女，雖然係兩子之母，但身材同樣貌都Keep得好好。
早前在熱播劇《BB來了》扮過氣MK妹陪月員仍被稱讚冇違和感！
呢日嘉嘉泳裝上陣拍攝無綫劇集《她。她。她的少女時代》，40歲的她大騷fit爆身形，乍現馬甲線。
該場口要她在泳池中來回游水，上水後藝人鄭啟泰還輕吻她臉頰。 
拍攝時嘉嘉大嗌凍到震，拍完後即時飲薑茶和熱朱古力取暖。
嘉嘉表示接拍之前不知道有泳裝這一幕，因為當時還未出齊劇本：「後來知道有都好擔心，唔知幾時拍，因為天氣忽冷忽熱，雖然今日唔算好凍，但只有拍攝時只有17度，落水都好凍，好在媽咪預備咗熱朱古力畀我。」
嘉嘉稱為了拍攝這場戲，近幾天也盡量少吃點，以及勤做sit up，她希望拍出來效果理想，不要白費苦心。
講到上次以泳裝拍劇已經是十多年前。
嘉嘉就話：「我覺得自己身形比十幾年前更弗，因為以前後生，所以瘦，但依家係我努力做運動，係弗，我自己好鍾意做運動，又有班志同道合嘅朋友。（點解件泳衣咁密實？）因為套劇講我係個好時尚同有錢嘅女人，所以唔使好感性。我要多謝服裝組，我每日嘅戲服都唔同又靚。」
(綜合報道/on.cc)
