溫碧霞（Irene）同結婚17年嘅老公何祖光最近傳情變，除咗因為Irene唔想放棄事業，而何祖光仲被影到兩次相約一名貌似郭藹明嘅中女出街，雖然Irene仲有維護老公，不過另一方面佢承認同老公暫時分居。

早前Irene就離開香港散心，今日佢喺微博上載同朋友相聚嘅相片，留言﹕「快樂其實很簡單。」7月30號就踏入51歲嘅Irene仲同養子Xavier及一班好朋友一齊切蛋糕，見佢雙手合十，笑得好開心。

睇相仲見到現場有一班小朋友，佢哋拎住寫有「HAPPY BIRTHDAY」字樣嘅氣球，Irene笑得好開懷咁搭住Xavier膊頭影相，但就未見分居中嘅何祖光蹤影！

(蘋果日報)