林夏薇好大手筆！
林峯與太太張馨月、陳展鵬夫婦、譚俊彥夫婦、陳山聰、洪永城、馬志威等，出席林夏薇（薇薇）投資的珠寶店開幕禮。薇薇穿Deep V晚禮服現身，大手筆送半卡鑽石給所有到場嘉賓，並攬實近期爆紅的堂哥林峯，笑言要沾對方旺氣。
薇薇坦言見到這麼多親友抽空撐場，非常感動：「你都知12月有幾忙，馬志威專登改第一班機返嚟撐我，好感動。同埋我要多謝老公心靈上嘅支持，因為籌備一個品牌要好多精力，大家都知我要拍戲，所以好多謝佢畀到好大支持我。（佢有冇投資？）我哋分開投資。」提到多位視帝專程撐場，她未贏視后先贏人緣，薇薇笑言：「咁有分量嘅嘉賓嚟，我都要準備啲心意（鑽石）畀佢哋。（好落本喎！）一定要嘅，鑽石代表永恒同愛，我都好愛佢哋。」
(圖片來源:林夏薇@小紅書)
