今日喺中環為天成國際拍賣預展擔任模特兒，戴上3套逾億嘅珍貴珠寶。她透露8月將完成珠寶鑑證課程，佢話：「呢一年都係做學生，下個月就考試，我對珠寶一向都有興趣，讀完課程，o依家我對stone都好熟識。」
姚書軼(資料圖片)
曾被拍到身爲會所老闆娘同名模，貼地搭巴士！（資料圖片）
問佢畢業後嘅計劃？Mikki話：「因為呢個係我嘅興趣，所以去學，如果之後有好發展，我都想將學到嘅嘢有所發揮。」問Mikki想唔想搞珠寶生意？佢就話：「珠寶生意需要好多資金，可以先做吓有關嘅嘢試吓先。」
舊年年尾，佢先至同大家分享話有拖拍，估唔到半年都未夠，就甩咗拖。本來記者笑問佢，可以叫男友揼本投資，點知Mikki就話：「靠自己好啲，o依家一個人幾好。」問佢係咪同男友分咗手？Mikki即顯得有啲唔好意思話：「我覺得拍拖呢啲冇乜所謂，平常心。不過到真係結婚時一定會同大家講。」佢仲話如果男友送啲玩嘅首飾，佢多多都會收，但係大大粒、有承諾嘅，佢話︰「好有壓力。」
(apple daily)
