藝人呂慧儀（阿蟹）到荃灣出席TVB周刊活動，提到父親節將近，問到向老公黃文迪可有表示？阿蟹笑言：「我當日要開工呀，都係食餐飯，佢最近做Gym咩都唔食得，就等我食畀佢睇引吓佢，一陣佢開心時食多咗，個責任咪卸去我度囉！（怕囝囝蟹籽偏心媽咪，唔識向爹哋表示？）作為媽咪同老婆，我都會叫蟹籽盡力整啲手作仔畀爸爸嘅！（到時要你代勞？）睇怕都係啦，佢啲功課都要我代勞。」
阿蟹指囝囝現時三歲，笑言最大禮物就是養到個仔肥肥白白：「最好係養到佢肥肥白白，第時大個陪爹哋一齊Gym，等老公多個Buddy。（一個Buddy唔夠？）我要拍《愛．回家》呀，唔夠時間生多個Buddy。」
(on.cc東網)
