藝人黃心穎現身商場活動，並即場獻唱兩首歌，她透露最近經常公開唱歌，十分開心。
「我好鍾意唱歌。（出碟？）要問公司，我唔係想做歌手，不過唱歌係我近來嘅興趣，有動力畀我練歌，我有搵人教，而且發現係有進步。（有冇唱畀男友馬國明聽？）有，佢都讚好聽，我話你答得咁「行」。」
「（佢有冇點歌要你唱？）冇，因為佢識嘅歌唔多。（佢淨係識舊歌？）係，我會介紹啲新歌畀佢聽。」心穎坦言都希望再有自己歌，想再唱電視劇主題曲。
原來心穎不滿馬國明個答案太行！
另外，講到明天無綫台慶，心穎表示已準備好戰衣：「年尾好多大型活動，我自己着裙都着到有啲厭，好難揀，不過聽日件衫唔性感，聽日公司咁多人，好多人都會好性感，幾百人裏面，大家見到我已經好好彩。（馬國明唔畀你性感？）唔係，佢未睇過。」心穎笑言出席台慶最想是抽中現金大獎：「如果抽中會請大家食飯，聽者有份，不過我冇乜抽獎命，而且今年犯太歲。」
（on.cc）
