講到心穎於下月無綫頒獎禮有份角逐「最佳女配角」及「最受歡迎電視歌曲」，佢就笑笑口話：「好似今年係我最少提名嘅一年，反而有少少開心，因為以前覺得自己冇機會，當陪跑，今年就對個角色有信心，都有啲機會爭，好大信心又唔係，但對自己演出滿意。」問到是否因角色與男友馬國明對手才演得如此投入？心穎撒嬌否認，指全因角色好，外間反應亦不俗而已。
黃心穎出席商場活動，並由兩位小朋友拖住出場，期間心穎更獲二人獻吻。
對於馬國明亦有份爭視帝，相反同劇的主角馬浚偉卻無緣入圍，心穎表示也有留意：「佢（馬國明）都話今次唔係最主一次，所以睇得好化（投佢票？）我係App度投咗畀佢（叫佢投番你？）唔使叫，如果佢投第二個，咁我就要睇吓點應付，都冇諗呢個Point（是但一個拎到咪好開心？）獎項對每個人唔同價值（點慶祝？）都係食餐飯。」
馬國明一向深得民心又有觀眾緣，仲被網民封為「民間視帝」，可惜多來年一直未圓視帝夢，無論係《萬千星輝頒獎典禮》、《TVB馬來西亞星光薈萃頒獎典禮》定《星和無綫電視大獎》，年年都係陪跑…佢入行19年、演技有目共睹，雖然無緣做視帝，但依然默默耕耘，從未出聲呻苦。
不過有大批網民戥馬國明唔抵，齊齊為佢平反、力撐佢應該奪獎！仲有人話馬國明似足周柏豪首歌咁：「從來沒我份，犧牲當做例行，我慣了傷心…」雖然拎唔到視帝，但就拎咗好幾次「最受歡迎電視男角色」獎，足以證明馬國明備受認可。
2017年憑《心理追兇》入圍《星和無綫電視大獎》「我最喜愛TVB男主角」獎。
馬國明自2015年起年年都有份入圍爭視帝，2015年憑劇集《梟雄》入圍、2016年憑住《為食神探》又入圍、2017年憑大熱劇集《降魔的》再度入圍，直到今年、唔好提喇…年年睇住其他人攞獎，連馬國明都控制唔住自己嘅表情，更曾被觀眾Cap低其天然呆樣，成為網絡瘋傳嘅表情包。
不過馬國明近年心態愈嚟愈成熟，已經可以坦然面對自己「馬拉松選手」嘅身份、大方拍手慶祝。
(綜合報道/on.cc)
