藝人蕭正楠（Edwin）昨晚在頒獎禮上宣布與女友黃翠如已經結婚，令全城驚喜！最近Edwin如常開工拍劇。他坦言很多親密朋友及親戚也不知情：「大家都覺得好surprise（驚喜），我覺得用咁嘅方法同大家講係最開心嘅事，希望大家願諒我之前冇講。」
問是否頒獎禮冇獎攞就唔公開婚訊？Edwin回答：「冇再諗，但諗住今年內講，可能平安夜或者除夕講。我覺得尋晚係好好嘅時刻，好多女藝人都喊晒，原來我係咁受歡迎，我一直都唔知，尤其胡定欣攬住我喊，好開心，我當然最希望攬住我嗰個係佢（翠如），但佢好早就飛車走咗，佢好低調，唔想成為焦點，佢覺得頒獎禮係屬於得獎者嘅。
「（翠如有冇諗過你尋晚會公布？）佢有預感，但佢唔知我幾時講，我都唔知我攞唔攞到獎。阿廉（曹永廉）就知，我阿媽知嘅嘢佢就知，佢同我老竇個身份一樣，好多謝佢撐我，佢幫我諗咗好多方法去講，諗到頭髮都白晒。（曹永廉建議你喺頒獎禮上講？）係我自己諗，有乜好得過一次過喺全香港朋友面前將呢件開心事同大家分享，而且我都想畀難忘一晚太太，所以我冇理人哋話我騎劫頒獎禮，我覺得係開心事，想同大家開心share（分享）。」
問昨晚回到家後，太太翠如的反應，Edwin即時爆笑兼嘩了一聲：「佢好溫柔，未見過佢咁溫柔，佢知道尋晚(台慶當晚)佢走咗之後得我一個去面對傳媒，佢知我準備咗好耐，佢好感動，我停車嘅時候，佢已經企咗喺門口，用好迷人嘅眼神望住我，不過瞓醒後佢已經打回原形。」
Edwin爆黃翠如打回原形！
問會否補擺婚宴？他坦言太太希望低調，但自己昨晚見到同事如此戥自己高興，加上兩人又是公眾人物，覺得應該有個場合跟大家慶祝，所以要再商量：「不過大家都忙工作，翠如聽日就要開劇，所以唔會係短期內嘅事。」
談到造人大計，Edwin稱今日很多工作人員都催他要快生B：「佢哋話條腰好緊要，講抱BB同埋幫BB沖涼好靠條腰，大家畀咗好多鼓勵我，順其自然，我哋兩個都鍾意小朋友，鍾意同小朋友玩，但唔知擁有一個係點。」
相關新聞：
【原來同張栢芝做鄰居】蕭正楠黃翠如愛巢曝光 https://goo.gl/nGXgTi
【宣佈婚訊後】蕭太黃翠如首發文：他就是那一個人 https://goo.gl/sUpwkX
【比陳展鵬陳凱琳阻住！？】蕭正楠自爆艱辛求婚過程 https://goo.gl/7DDCwj
【頒獎禮變婚禮】蕭正楠黃翠如宣佈喜訊 全港感動見證 https://goo.gl/AZqn5S
(on.cc)
