藝人劉愷威與內地女星楊冪昨日（22日）經理人公司發布離婚聲明，指二人係和平分手，並會共同照顧及撫養囡囡小糯米。
雖然佢哋離婚傳足多年，但「威冪」一直三緘其口。不過愷威今年年初參加內地節目《跨界歌王》第三季嗰陣，曾多次唱苦情歌，有心水清嘅網友總結佢嘅苦情歌單，包括《心如刀割》、《原來你甚麼都不想要》、《給寶寶的歌》、《說散就散》、《慢慢》、《背叛》、《方圓萬里》等……全部歌都苦過食黃蓮，真係愈唱愈慘，愈聽愈感受到佢有幾苦！
當時愷威接受訪問時，只話自己只係想將一啲唔同成長階段喜歡嘅歌Share，依家睇番，呢份歌單原來暗藏心聲。
今日就有大陸傳媒指，二人於兩個月前在加拿大辦理離婚手續，而小糯米就會繼續留港讀書生活。
至於為何選擇昨日公布消息？
大陸傳媒指日期係兩人共同選擇，因小糯米正在放聖誕假，唔希望佢受到媒體打擾。
相關新聞：
【劉愷威當年霸氣求婚 楊冪：家庭不應該成為束縛】https://goo.gl/v9DDmG
(on.cc)
