藝人苗僑偉、劉美娟及吳思佳，日前於將軍澳拍攝邵氏網劇《飛虎極戰》。當中飾演苗僑偉太太的劉美娟久未於電視劇集露面，她笑言今次可算是婚後16年來首次復出拍劇！

保養得宜的劉美娟大爆獲無綫高層樂易玲邀請「出山」，她又笑言能與「偶像」苗僑偉合演夫妻令她直呼正爆：「結咗婚幾多年就有幾多年冇再拍劇！其實之前都有人搵過我，但今次樂小姐搵我就畀我覺得心態上已經Ready。我一對仔女已經一個10歲，一個8歲半。而且無論角色、劇本，甚至班底都係以前嘅戰友。加上苗僑偉係我偶像，我入無綫冇機會同佢合作，咁多年後第一次合作就能夠演夫妻，好開心！」劉美娟笑言不在意酬勞：「真係冇計，相信（無綫）都唔會蝦我嘅！」

苗僑偉就透露於新劇溫情戲及動作戲兼備，又稱首次與美娟合作感覺良好：「難得佢復出，感覺幾好，幾Nice！」他指該劇應拍至九月才結束，問他屆時會否曬得更黑，而惹太太戚美珍微言？苗僑偉笑說：「佢識我第一日就知我黑到舊炭咁，佢見我白咗會話做咩咁白？係咪發霉？外景曬黑啲仲好。」