無綫首席化妝師陳文輝，2004年退休、離開任職37年的電視台，曾經營化妝品生意同教化妝，近年專注退休享清福，平時愛竹戰消遣，今日突傳出病重消息，令人擔心不已。
據知陳文輝上月發現患肺癌，但情況穩定，日前有朋友探過輝哥，輝哥仍然聲如洪鐘，只是比較易累，需要休息。
記者致電輝哥兒子、同樣曾任無綫化妝師的陳志達，他說：「病重？少少啦，又唔係好病重，都係老人家病，近呢一個月。」有傳輝哥危殆，陳志達反問：「危殆？好精神喎我老竇，點危殆呀？」陳志達續稱：「老竇心口唔舒服，氣促，又有啲血壓高，唔知邊度傳病重喎！呢幾日佢好攰，休息緊，你唔使打俾佢，佢電話冇人聽。」
求證問及輝哥是否患肺癌，陳志達稱：「我唔方便講老竇乜嘢病，總之佢依家係穩定嘅，接受緊治療，休養緊。我係樂觀嘅，多謝大家關心。
「佢依家喺香港一間醫院，我唔想透露，費事啲人騷擾佢休息，佢已經好多朋友去探佢，再咁多人真係唔使休息。暫時佢身體係穩定，佢都係食緊藥同埋休息，始終年紀大，呢啲好正常嘅。我哋會照顧得佢好好0架喇。」
（蘋果日報/on.cc東網）
