人生有幾多個10年？唔係，應該係20年先至啱。

噚晚大台經典劇《鑑証實錄》一班演員喺中國會搞咗個20週年大聚會，除咗主角林保怡同陳慧珊，連「神隱」李珊珊、近年喺大陸爆紅嘅劉愷威、人妻莫可欣、鍾麗淇、轉咗做保險嘅蔡子健，仲有仲有劉江、林小湛、廖啟智、陳美琪、張松枝、郭政鴻、陳彥行、溫裕紅及監製潘嘉德等等，真係好熱鬧！

李珊珊、張松枝同陳美琪都先後喺社交網貼相，難得個個都冇乜走樣，真係好似時光倒流返到20年前一樣，陳美琪留言﹕「20年聚首，瘋了！難能可貴的聚會，不散不散！」傳患腦瘤嘅李珊珊，早前再度入院。

噚晚佢都有出席聚會，全身黑色包到上頸，戴住眼鏡，笑得好燦爛，佢亦有感而發表示﹕「二十年，可說佔了人生的一半。今晚有緣再聚，也是過去五年來最生猛活躍的一天。陳美琪同陳慧珊喺片中演姊妹，噚日佢哋都有晒二人合照，睇落二人又真係有啲啲似樣。

感謝各位，這夜嘗到久違了的興奮和快樂，我如同過度活躍症的孩子，不停跟各位談天說地。謝謝你們給我如此美好的時光。衷心的說，愛這個合作團隊，愛在一起的時刻。各位好夢。」珊珊仲特別tag咗張松枝，留言﹕「我回到家真的累到粉碎，迴光返照呀嘛！下次我會報仇。」

林保怡同陳慧珊喺1997年演《鑑證實錄》，獲得無數粉絲追捧。

(蘋果日報)