近期人氣爆燈的Yumiko鄭希怡，早前同B女梁浸浸返內地拍真人騷後，唔單止水漲船高，更難得係同梁浸浸感情增進不少，可以話人財兩得。有傳言話佢想追多個，係咪真係就快有梁爽爽先？
Yumiko一見到記者朋友，就猛話未有咁快，佢覺得小朋友係上天賜予嘅禮物，有消息就會第一時間通知大家！不過Yumiko好鍾意小朋友，今日佢就幫一個活動做客席舞蹈導師，教一班小朋友喺一個音樂劇內跳舞，成個活動係宣揚珍惜食物、注意環保，Yumiko話呢啲活動有意義，小朋友玩得開心又學到嘢，咁先至係真正嘅《贏在起跑線》。
講到起跑線，Yumiko指自己不會在現時迫梁浸浸學呢樣學果樣，這個年紀最緊要無憂無慮玩得開心，不過梁浸浸似乎比較喜歡踢波，她當然不是太想但也順其自然，幸好最近梁浸浸開始自創古怪舞步再加前滾翻及瑜伽動作，非常搞笑，Yumiko笑說自己也有跳舞經驗，可以親自教她呢！不過她也不認同要大力催谷子女：「有時見到家長將仔女嘅日程排到密麻麻，唔單止令佢哋對學習冇晒興趣，甚至令佢哋太疲累，影響身體免疫力。」
Yumiko湊得梁浸浸咁精靈，因為佢覺得小朋友健康成長最重要。最緊要係培養到內在嘅自信、正確價值觀、良好溝通能力同團隊合作精神，咁小朋友就自己可以健康成長。始終要身心兩方面平衡發展，先至會健康又開心。所以Yumiko會帶佢出去呼吸吓新鮮空氣，多啲戶外活動、唔好成日用手機、平板電腦，亦會畀少少supplement佢食，通常有【H365】兒童維他命C+鋅，可提升免疫力又可以幫到兒童血管同骨骼成長；另外同時補充鋅，聽講鋅有助提升專注力，亦都可以促進兒童腸道健康。
如果真係追多個，Yumiko都有陀女經驗分享：「我陀梁浸浸嘅時候，初期都唔會食得太多，可能飲多杯奶食多個包都夠，但就會盡量補充多啲葉酸，因為聽講媽咪食唔夠葉酸，會影響BB嘅腦部發育。平日盡量食多啲蔬菜同豆類，但有人話烹煮過程流失好多營養，所以就再食啲葉酸supplement，同埋都會補充啲鈣，對個胎嘅骨骼成長都好啲！」
(蘋果日報)
