歌手吳若希（Jinny）出席放榜打氣派對。
而Jinny就話自己讀書時，是由一個很高分的高材生變做考第尾：「因為我有段時間入咗醫院成個月，所以就放棄咗學業，之後就一直放棄咗，對我嚟講都幾大打擊！屋企人又唔會好support我，最後我就揀咗呢個同學業冇乜關係嘅行業。我覺得讀書係緊要，但唔係最重要。（第時會唔會要求女兒讀書好叻？）唔會逼佢，學生始終最重要係學習，希望佢向住讀書方向行住先，到有清晰啲嘅目標再發揮自己。」
講到Jinny被指當街鬧老公，她笑言：「呢啲係生活嘅瑣事，結咗婚生小朋友呢啲事係會一日發生幾十次。我嗰陣咁啱冇表情，語氣又惡咗少少啫。（老公有冇話你惡？）佢成日都話我惡㗎。」
被指當街鬧老公同抱B姿勢唔好（讀者提供圖片）
但Jinny就大呻最唔開心是被指抱女的姿勢不好：「我好畀心機抱佢㗎！因為我已經抱住佢超過一個鐘，要搵個最舒服嘅姿勢抱住佢，等我哋兩個都舒服。」
(on.cc)
